Ispaniya terma jamoasi bosh murabbiyi Luis de la Fuente Misr termasiga qarshi o'rtoqlik uchrashuvi (31 mart) oldidan qanot hujumchisi Lamin Yamalning rivojlanishi haqida fikr bildirdi.«Lamin ikki yil oldinga qaraganda ancha yaxshi o'ynayapti, ammo yana ikki yildan keyin qanday bo'lishini hisobga olsak, hozircha u darajaga etgani yo'q. U jiddiy ravishda etuklashdi, jamoaga qo'shayotgan hissasi ham oshdi. U jamoadoshlari uchun juda yoqimli inson. Har kuni u jamoaga tobora ko'proq ta'sir o'tkazmoqda va uni yanada kuchliroq qilmoqda. Uning oldida hali uzoq yo'l bor va eng yaxshi yillari hali oldinda. U a'lo formada, ruhiy holati ham ideal, juda tezkor, o'yinida o'sha yorqinlik bor va hozir karerasining eng yaxshi pallalaridan birida», — dedi de la Fuente Sport.es nashriga bergan intervyusida.Joriy mavsumda Yamal «Barselona» safida barcha musobaqalarda 40 ta uchrashuvda ishtirok etib, 21 ta gol urdi va 14 ta golli uzatmani amalga oshirdi.