"Barselona" vingeri Rafinya Dias Braziliya terma jamoasida olgan mushak jarohati sabab 5 haftaga safdan chiqdi.

Diario Sport nashri xabariga ko'ra, 29 yoshli futbolchi ushbu jarohatdan so'ng jiddiy ruhiy tushkunlikka tushib qolgan. "Barsa" unga o'ziga kelib olishi uchun bir muncha vaqt Braziliyada qolishga ruxsat bergan.

Rafinya joriy mavsumda "ko'k-anorranglilar" safida jami 31 ta o'yinda 19 ta gol urib, 8 ta assist amalga oshirdi. Transfermarkt uni hozirda 80 million evroga baholamoqda.