Mish-mishlar «Barselona» vingeri Lamin Yamalni «PSJ» bilan bog'lashda davom etmoqda. El Nacional nashriga tayanib Transfer News Live xabar berishicha, Liga 1 grandi potentsial transfer imkoniyatlarini o'rganish maqsadida 18 yoshli futbolchining agenti bilan bog'langan.

«PSJ» futbol tarixidagi eng yirik kelishuvga aylanishi mumkin bo'lgan transfer variantlarini ko'rib chiqmoqda.

O'tgan oyda Parij klubi Yamalning transferi uchun 350 million evro to'lashga tayyor ekanligi haqida xabarlar tarqalgan edi.

Qariyb to'qqiz yildan beri dunyoning eng qimmat futbolchisi maqomini Neymar o'z qo'lida ushlab turibdi. 2017 yilda braziliyalik uchun 222 million evro to'langan edi. Qizig'i shundaki, o'shanda ham «PSJ» aynan «Barselona»ga to'lov qilgan.