Chorshanba kuni «Barselona» Chempionlar ligasi 1/4 finali doirasida o'z maydonida «Atletiko»ni qabul qiladi. Kataloniyaliklar vingeri Rafinya yaqinda Braziliya terma jamoasi ixtiyorida olgan jarohati sababli «ko'k-anorranglilar»ga maydonda yordam bera olmaydi.

AS nashrining xabar berishicha, Rafinya chorshanba kuni kiyinish xonasida jamoa bilan birga bo'ladi. Braziliyalik futbolchi sardor va etakchi sifatida sheriklarini ruhlantirmoqchi.

Jarohat olganidan so'ng, Rafinya Xans-Diter Flikning ruxsati bilan bir muddat Braziliyada oilasi davrasida bo'ldi. Shunga qaramay, u allaqachon Barselonaga qaytib kelgan.

Eslatib o'tamiz, o'tgan dam olish kunlari «Barselona» Ispaniya chempionati doirasida safarda «Atletiko»ni 2:1 hisobida mag'lub etgan edi.