Juma kuni «Real» o'z muxlislarini yana bir bor xafa qildi. Ispaniya chempionati doirasida «Jirona»ga qarshi kechgan uy uchrashuvida Alvaro Arbeloa shogirdlari faqat durangga erisha oldilar. Gollarsiz o'tgan birinchi bo'limdan so'ng, jamoalar tanaffusdan keyin gollar bilan almashishdi (1:1) — Federiko Valverde va Toma Lemar o'z nomini tabloga yozdirib qo'ydi.

Buning natijasida, shanba kuni peshqadam «Barselona» La Ligadagi farqni 9 ochkogacha etkazib olish imkoniyatiga ega bo'ladi. Agar Xans-Diter Flik jamoasi o'z maydonida «Espanol»ga qarshi kechadigan derbida g'alaba qozonsa, farq aynan shunchani tashkil etadi.

«Barselona» — «Espanol» uchrashuvi 11 aprel kuni Toshkent vaqti bilan soat 21:30 da start oladi.