Madridning «Atletiko» klubi prezidenti Enrike Sereso argentinalik hujumchi Xulian Alvares faqatgina uning ruxsati bilan jamoani tark etishi mumkinligini ma'lum qildi. Eslatib o'tamiz, futbolchiga Ispaniya chempionatining boshqa bir grandi — Kataloniyaning «Barselona» klubi da'vogarlik qilmoqda. Biroq Alvaresning «Atletiko» bilan shartnomasi 2030 yilga qadar mo'ljallangan.

«Xulian Alvares «Atletiko» futbolchisi bo'lib qoladi. U hali uzoq vaqt davomida shu erda bo'ladi. Men boshqacha qaror qabul qilmagunimcha, u biz bilan qoladi», — deya Seresoning so'zlarini keltiradi derbyderbyderby.it.

Ta'kidlash joizki, iqtidorli hujumchi Madrid klubiga 2024 yilning yozida Argentina terma jamoasi safida Jahon chempioni sifatida kelib qo'shilgan edi. Shuningdek, uning hisobida Amerika kubogidagi ikkita g'alaba ham mavjud.