«Barselona» Madridning «Atletiko» klubi hujumchisi Aleksander Syorlotga qiziqish bildirmoqda, deb xabar beradi jurnalist Matteo Moretto. Klub norvegiyalik futbolchi borasida rasmiy so'rov yuborgan.

«Ko'k-anorranglilar» rahbariyati Robert Levandovskining kelajagi borasidagi noaniqlik tufayli xavfsizlik choralarini ko'rib qo'ymoqchi. Polyak hujumchisi shartnomani uzaytirishga hali rozilik bermagan. «Barselona» Syorlot Xans-Diter Flikning o'yin sxemasiga tez moslasha oladi deb hisoblamoqda.

2025/26 yilgi mavsumda 30 yoshli forvard 47 ta o'yinda maydonga tushib, 17 ta gol urdi va 1 ta golli uzatmani amalga oshirdi. Syorlotning «Atletiko» bilan amaldagi shartnomasi 2028 yilning yozigacha mo'ljallangan.