Kataloniyaning «Barselona» klubidagi shvetsiyalik iqtidor Runi Bardji o'z jamoasida kam o'yin amaliyotiga ega bo'layotganidan norozi ekanligi haqida avvalroq xabar bergan edik. Evropaning boshqa klublari esa ushbu vaziyatdan foydalanib qolishga tayyor.

Xususan, derbyderbyderby.it nashrining xabar berishicha, Portugaliyaning «Portu», Frantsiyaning «Monako» va Germaniyaning «Shtutgart» klublari vaziyatni katta qiziqish bilan kuzatib borishmoqda. Shu bilan birga, «Barselona» futbolchini butunlay yo'qotishni istamaydi — Runi klubda kelajakning potentsial loyihasi sifatida ko'rilmoqda. Hozircha bu masala ochiq qolmoqda, biroq Kataloniya tomoni muammoni tezkorlik bilan hal qilishi lozim.