«Milan» va «Chelsi» klublarining sobiq yulduzi Rud Gullit Ispaniya grandlarining joriy mavsumdagi natijalari va o'yin uslublari haqida o'z fikrlarini bildirdi.

Gullit Madridning «Real» klubi ikkinchi mavsumni sovrinsiz yakunlayotganiga to'xtalar ekan, jamoa o'yinidagi o'zgarishlarni qayd etdi:

— Ilgari «Real» ancha jipslashgan holda o'yin ko'rsatardi, hozir esa ular ko'proq individual mahoratga tayanib qolishgandek. To'g'ri, futbolchilarning texnikasi va o'ziga bo'lgan ishonchi yuqori, biroq ular maydonda ko'proq mehnat qiladigan raqiblarga duch kelganda qiyinchiliklarga duch kelishmoqda, — dedi mutaxassis.

Shuningdek, sobiq futbolchi «Barselona» va «Atletiko Madrid» jamoalarining o'yin uslubini taqqoslab o'tdi:

— «Barselona» hujumkor futbol o'ynaydi, ammo himoyada ko'p bo'sh joy qoldiradi va raqiblar bundan unumli foydalanmoqda. «Atletiko» esa aksincha, kuchli raqiblarga moslashish borasida ustasi farang. Ular ba'zan raqibdan kuchsizroq ko'rinsa-da, g'alabani ilib ketishadi. Biroq Ispaniya Kubogi finalida «Atletiko» o'zi kabi ehtiyotkor futbol o'ynaydigan jamoaga («Real Sosedad») mag'lub bo'ldi. Futbol doim ham adolatli emas, — deya ta'kidladi Gullit.