Vigoning «Selta» klubi bosh murabbiyi Klaudio Xiraldes La Liganing navbatdagi turi doirasida «Kamp Nou»da kechadigan bahs oldidan o'z maqsadlari bilan o'rtoqlashdi. Murabbiy madridliklarning («Real») ta'qibidan ilgarilab ketayotgan «Barselona»ni to'xtatish niyatida.

«Umid qilamanki, «Kamp Nou»dagi o'yindan keyin ligani biroz «qizdira» olamiz. Biz «Barselona»ni mag'lub etib, La Ligaga intrigani qaytarishni xohlaymiz», — dedi Xiraldes.

Eslatib o'tamiz, ayni damda Xansi Flik boshqaruvidagi «Barselona» turnir jadvalida 9 ochkolik farq bilan peshqadamlik qilmoqda.