«Barselona» darvozaboni Joan Garsiya La Liga doirasidagi «Selta» ustidan qozonilgan g'alabadan (1:0) so'ng o'z fikrlari bilan o'rtoqlashdi. Uchrashuv taqdirini 40-daqiqada Lamin Yamal tomonidan aniq amalga oshirilgan penalti hal qildi.

«O'yin juda qiyin kechdi, lekin biz oxirigacha kurashdik va muhim uch ochkoni qo'lga kiritdik. Ikkinchi bo'lim oldidan o'yinimizga ma'lum o'zgartirishlar kiritishimizga to'g'ri keldi va xayriyatki, bu o'z samarasini berdi. Biz boshqacharoq o'ynay boshladik, o'zimizga bo'lgan ishonch ortdi va nazoratni qo'lga oldik», – dedi Garsiya o'yindan so'ng jurnalistlarga bergan intervyusida.

Ushbu g'alabadan so'ng «Barselona» turnir jadvalida Madridning «Real» klubi bilan oradagi farqni yana to'qqiz ochkoga etkazib oldi.