"Barselona" hujumchisi Mark Giyu "Atletik"ga qarshi Ispaniya chempionati 10-tur uchrashuvi (1:0) natijalarini sarhisob qildi.

“Men bunga ishonmayman. Bu aqlga sig'maydi. Men o'z imkoniyatimni qo'lga kiritish uchun butun umr mehnat qildim va bunga erishdim. Joau Feliks to'p bilan birga edi, men bo'sh joy borligini ko'rdim, u uni menga uzatdi va men Unai Simon bilan yakkama-yakka chiqdim. Uning saviyasidagi darvozabonga gol urish men uchun katta sharaf", dedi Giyu.

Yagona golni 80-daqiqada kataloniyalik 17 yoshli hujumchi Mark Giyu kiritdi, u "Barselona"ning kattalar jamoasida debyut qildi.