Xulian Alvares yozgi transfer bozorida «Barselona»ning asosiy maqsadi bo'lib turibdi. Biroq, Kataloniya klubining moliyaviy holati «Atletiko»ning yulduz hujumchisini sotib olish yo'lida to'sqinlik qilmoqda.

Jurnalist Xose Alvaresning xabar berishicha, «Atletiko» Alvaresning transferi uchun kamida 120 million evro olmoqchi. «Barselona» esa buning uchun 70 million evro taklif qilishga tayyor.

Hozirda klublar o'rtasida ikkala tomon bilan ham yaxshi aloqaga ega bo'lgan vositachilar ishlamoqda. Ta'kidlanishicha, madridliklarning e'tiborini «Barselona»ning ba'zi futbolchilari o'ziga tortgan — ehtimol, ular kelishuvning bir qismiga aylanib, 26 yoshli Alvaresning yakuniy narxiga ta'sir qilishi mumkin.