«Barselona» yarim himoyachisi Gavi klubning sobiq yulduzi Lionel Messi haqidagi fikrlari bilan o'rtoqlashdi. Argentinalik yulduz «ko'k-anorranglilar» safini 2021 yilda tark etgan edi. Gavi esa sakkiz karra «Oltin to'p» sohibi ketganidan ko'p o'tmay kataloniyaliklarning asosiy jamoasida debyut qilgan.

«Messi — barcha davrlarning eng buyuk futbolchisi. U ham La Masiyadan etishib chiqqan va bu erda hamma uni o'z kumiri hamda ibrat namunasi deb biladi. Men akademiyada o'ynab yurgan kezlarimda, u asosiy jamoada porlar edi, biz esa unga havas bilan qarardik. Ko'pchilik qatori, men ham bolaligimda aynan Messi sababli «Barsa» muxlisiga aylanganman», — deya 21 yoshli xavbekning so'zlarini keltiradi «Managing Barca».