«Barselona» Robert Levandovski bilan yangi shartnoma bo'yicha muzokaralarni davom ettirmoqda. Polshalik hujumchining amaldagi kelishuvi iyun oyi oxirida yakuniga etadi.

Jurnalist Rojer Torelo bergan ma'lumotlarga ko'ra, 37 yoshli futbolchining taqdiri bosh murabbiy Xans-Diter Flikka aniqrog'i, u yangi mavsumda hujumchini qanday rolda ko'rayotganiga bog'liq. Aynan nemis mutaxassisining rejalari asosida futbolchi klubda qolish yoki qolmaslik borasida yakuniy qarorga keladi.

«Ko'k-anorranglilar» Levandovski bilan 2027 yilning o'rtalarigacha shartnoma imzolashga tayyor, biroq bu ish haqining sezilarli darajada kamayishi evaziga amalga oshishi taxmin qilinmoqda.