«Manchester Siti»ning sobiq himoyachisi Kolin Hendri o'zbekistonlik futbolchi Abduqodir Husanovning o'yiniga yuqori baho berdi. Uning fikricha, Husanov tez orada dunyoning eng grand klublari, jumladan, «Real Madrid» e'tiboriga tushishi mumkin.Natan Ake va Jon Stounz yozgi transferlar oynasi vaqtida jamoani tark etishi kutilayotgan bir paytda, Abduqodir klubning asosiy himoyachisiga aylanishi mumkin. U nafaqat jismoniy kurashlarda, balki texnik mahoratda ham o'zini ko'rsata oldi. Shu bois ko'plab mutaxassislar uni «yangi avlodning eng kuchli himoyachisi» deb atamoqda.«U «Chelsi»ga qarshi debyutida xatoga yo'l qo'ygan edi, ammo o'shandan beri har bir o'yinda ajoyib o'yin ko'rsatmoqda. U kuchli iste'dod egasi. «Real», «Barselona» yoki «Bavariya» kabi klublar unga qiziqish bildirishi tabiiy, biroq uni «Manchester Siti»dan olib ketish unchalik oson bo'lmaydi».Garchi OAVda mish-mishlari ko'payayotgan bo'lsa-da, «Manchester Siti» rahbariyati, xususan, sport direktori Ugo Viana Husanovni «tegib bo'lmas futbolchi» deb hisoblaydi. Futbolchining amaldagi shartnomasi 2029-yilning iyuniga qadar amal qiladi. Klub uning joriy mavsumdagi ajoyib o'yinlarini inobatga olib, shartnoma shartlarini yanada yaxshilash niyatida.Ma'lumot o'rnida, Angliya Premer Ligada turnir jadvalida «Arsenal» 76 ochko bilan etakchilik qilmoqda. «Siti» esa etakchi «kanonirlar»dan 5 ochko ortda qolmoqda, biroq ular hisobida bitta zaxira o'yin bor.