Insayder Fabritsio Romanoning xabar berishicha, Xulian Alvaresning "Atletiko"dagi kelajagi borasidagi barcha eshiklar hozircha ochiq va hali hech qanday yakuniy qaror qabul qilinmagan. Yaqin haftalarda nima qilish bo'yicha qarorni Xulianning shaxsan o'zi qabul qiladi.

"PSJ" va "Barselona" klublari Alvaresga jiddiy qiziqish bildirmoqda. Bundan tashqari, futbolchining xizmatlariga Premer-liganing bir qator klublari ham befarq emas.

Qayd etilishicha, Alvares — "Barselona"ning orzusidagi transfer hisoblanadi. Biroq Kataloniya klubi rahbariyati bu kelishuvni moliyaviy tomondan amalga oshirish juda qiyin bo'lishini yaxshi tushunib turibdi. Hozircha futbolchi o'z kelajagi borasida o'ylash uchun vaqt olgan.