Kataloniyalik jurnalist Jota Jordining ta'kidlashicha, «Chelsi» himoyachisi Mark Kukurelya shu yozda Ispaniyaga qaytadi.

«Dushanba kunidan boshlab ma'lum bir harakatlar kutilmoqda. Mark Kukurelya «Chelsi»ga 100 foiz sodiq. Biz bu erda uning sardor ekanligi va kiyinish xonasida juda muhim figura ekanligini allaqachon aytgan edik. Klub undan juda minnatdor.

Dushanba kunidan boshlab «Barselona» tomonidan qandaydir qadamlar — uning atrofidagi insonlar (agentlari) bilan aloqalar kutilmoqda va shundan so'ng biz ko'proq tafsilotlarni ayta olamiz.

Bugungi kunda men 1000 foiz kafolat bera olamanki, Mark Kukurelya «Chelsi»da qolmaydi va shu erda, Ispaniyada o'ynaydi. Bu borada ikkita klub bor — «Barselona» va «Atletiko».

Men «Barselona» to'g'ri qadamlarni tashlashini hamda Kukurelya yakunda aynan o'sha erda paydo bo'lishini umid qilaman va xohlayman», — dedi Jordi.

Eslatib o'tamiz, Kukurelya — «Barselona» tarbiyalanuvchisi hisoblanadi. U Ispaniyada «Eybar» va «Xetafe» klublari sharafini ham himoya qilgan.