«PSJ» hujumchisi Neymar 2020 yilning yozida «Barselona»ga o'tishi mumkin. Bu haqda Mundo Deportivo xabar tarqatdi.

Manbaga ko'ra, braziliyalik futbolchining mavsum davomidagi o'yinidan kelib chiqib, kataloniyaliklar ushbu transfer borasida yakuniy qarorga kelishadi.

Neymar FIFA reglamentidan foydalanib, "PSJ"ni tark etishi mumkin. "O'yinchilarning maqomi va o'tishi haqidagi nizom"ning tegishli bandiga ko'ra, bir klubda kamida 3 mavsum o'ynagan hamda 28 yoshga to'lgan futbolchi kompensatsiya evaziga o'z huquqini sotib olishi mumkin. Ma'lumotlarga qaraganda, uning kompensatsiya puli ushbu mavsumdan keyin 180 mln evroni tashkil qiladi.