«Barselona» bosh murabbiyi Xans-Diter Flik avvaliga «Manchester Siti» bilan shartnomasi yozda yakuniga etadigan 31 yoshli yarim himoyachi Bernardu Silvani sotib olishni maqsadga muvofiq deb hisoblamagan edi. Nemis mutaxassisini portugaliyalik futbolchining yoshi va jamoada hujumkor o'yinchilar ko'pligi ikkilantirgan. Bu haqda Sport.es xabar bermoqda.

Manbaning ma'lumotiga ko'ra, so'nggi kunlarda murabbiy «Barselona» hujumchilarining jarohatlarga moyilligi sababli Silva jamoa uchun zarur futbolchi ekanligini anglab etgan. Flik ular uchun yuqori sifatli o'rinbosarga ega bo'lishni istamoqda.

Shuningdek, «Barselona» rahbariyati Bernarduning etakchilik qobiliyatlari kiyinish xonasida muhim ahamiyat kasb etishiga ishonmoqda. Klub Silvaning maydon markazida ham, hujumning o'ng qanotida ham birdek o'ynay olishini yuqori baholamoqda — bu Lamin Yamalga dam olish imkonini beradi.