«Barselona»ning sobiq futbolchisi Inigo Martines sobiq jamoadoshi Jerar Martinning o'yini haqidagi fikrlari bilan o'rtoqlashdi.

«Jerar himoya markazidami? U birinchi qarashda alohida ajralib turadigan yoki «vau» deyishga majbur qiladigan futbolchilar toifasidan emas. Ammo u doim o'z vazifasini bajaradi. Unda markaziy himoyada o'ynash uchun kerakli fazilatlar bor. U barqaror o'yinchi, hech qachon o'z darajasini 10 ballik tizimda 6,5 dan tushirib yubormaydi — «Barselona»da bundaylar ko'p emas», — deya Martinesning so'zlarini keltirdi Managing Barca.

Jerar Martin yakunlangan mavsumda kataloniyaliklar safida 51 ta o'yinda maydonga tushdi va bitta golli uzatmani amalga oshirdi.