«Manchester Siti»ning sobiq bosh murabbiyi Pep Gvardiola «Barselona» bilan bog'lanayotgan futbolchilar va Kataloniya klubining kelajagi haqida o'z fikrlari bilan o'rtoqlashdi.Yoxan Kroyff jamg'armasi tadbirida qatnashgan ispaniyalik mutaxassis portugaliyalik yarim himoyachi Bernardu Silvani yuqori baholadi.— U har qanday joyga moslasha oladi. U juda kuchli futbolchi, — dedi Gvardiola.Shuningdek, u «Barselona» qiziqish bildirayotgani aytilgan hujumchi Xulian Alvares haqida ham ijobiy fikr bildirdi.— U juda yaxshi futbolchi. «Siti»da doimo yuqori saviyadagi o'yinchilar to'p surishadi, — dedi murabbiy.Gvardiola «Barselona» bosh murabbiyi Xansi Flik faoliyatiga ham yuqori baho berdi.— U ajoyib ikki yil o'tkazdi. Jamoada «La Masiya» tarbiyalanuvchilari ko'pligi bilan birga, ularning o'yinini tomosha qilish haqiqiy zavq bag'ishlaydi. «Barselona» juda jozibador futbol namoyish etmoqda. Men Flik boshqarayotgan «Barselona»ning katta muxlisiman va uning u erda yana ko'p yillar ishlashini istayman, — dedi Gvardiola.Gvardiola o'z kelajagi haqidagi savolga ham javob berdi.— Keyin nima bo'lishini vaqt ko'rsatadi. Rostini aytsam, buni hozircha o'zim ham bilmayman, — dedi mutaxassis.