«Barcelona» sardori Lionel Messi Ispaniya Superkubogi yarimfinalidan o‘rin olgan «Atletiko»ga qarshi o‘yindan so‘ng (2:3) o‘z fikrlarini bildirib o‘tdi.

«Alamli. Biz ajoyib o‘ynadik va 80 daqiqa davomida o‘yinni boshqardik. Bahs taqdirini oldinroq hal qilishimiz kerak edi. Bu – juda og‘riqli mag‘lubiyat. Biz kurashishni va turnir finaliga chiqishni istagandik. Ikkita golda bolalarcha xatolarga yo‘l qo‘ydik.Tanqid? Mag‘lubiyat haqida gapirishganda, bu normal holat», –deb Messining so‘zlarini keltiradi Mundo Deportivo.

Ma’lumot uchun, Ispaniya Superkubogi finalida 12 yanvar kuni «Atletiko» va «Real» to‘qnash keladi. Bahs Toshkent vaqti bilan 23:00da boshlanadi.

Eslatib o‘tamiz, Superkubokning birinchi yarimfinalida «Real» «Valenciya»ni mag‘lub etgandi (3:1).