«Yuventus» hujumchisi Krishtianu Ronaldu 2019 yil ramziy terma jamoasiga kirishi uchun UEFA taktik sxemani "4-3-3"dan "4-2-4"ga aylantirishga majbur bo'ldi. Bu haqda Daily Mail xabar tarqatdi.
O'tkazilgan so'rovnomada portugaliyalik futbolchi Lionel Messi («Barselona»), Sado Mane («Liverpul») va Robert Levandovski («Bavariya»)dan keyin to'rtinchi o'rinni egallagandi.
Shunga qaramay, UEFA rahbariyati Ronalduni ramziy jamoaga qo'shishga qaror qo'lib, bir yarim himoyachi o'rniga to'rtinchi hujumchi ampluasini kashf qilishdi. Aslida Krishtianuning o'rnini «Chelsi» yarim himoyachisi Ngolo Kante egallashi kerak edi.