“Barselona”ning sobiq futbolchisi Xavi boshqaruvidagi Qatarning “Al Sadd” klubi mamlakat kubogini qo'lga kiritdi.
Hal qiluvchi final bahsida ular Mario Manjukich to'p tepayotgan “Al Duxail”ni yirik 4:0 hisobida taslim etishdi.
Xavi 2019 yilning may oyidan boshlab “Al Sadd”ni boshqarib kelmoqda. Ilgari futbolchi to'rt yil davomida ushbu klubda professional futbolchi sifatida o'ynab kelgan.
Qatar chempionatida “Al Sadd” ayni paytda 11 uchrashuvdan 21 ochko jamg'arib 3-pog'onada bormoqda. “Al Duxail” esa 12 o'yindan 30 ochko jamg'arib karvonboshilik qilmoqda.