Kataloniyaning «Barselona» klubi bosh murabbiyi Ernesto Valverde Angliya klublari bilan ishlashga qiziqmasligini aytdi. — Ba'zida insonlar mendan Angliya chempionati haqida so'rashadi. Men esa ularga Avstraliya chempionatiga borganim ma'qulroqligini aytaman. Futboldagi faoliyating abadiy davom etmaydi va gohida imkoniyatdan foydalanib, g'ayrioddiy joylarga borish kerak. Inesta Yaponiyaga ketayotganini aytganida qarsak chalgandim. Men zudlik bilan qaror qabul qilishim shart emas va hozir o'zimning kelajigim haqida aniq bilan tasavvurga ega emasman. Ehtimol, xorijiy chempionatlarning biriga yo'l olarman. To'g'risini aytganda, g'ayrioddiy biror narsani amalga oshirishni xohlayman, - dedi Valverde Goal.com portaliga.