Ronaldu "Real"dan ketganiga pushaymonligi xususida ko'p xabarlar beriladi. Men negadir shu gaplarga ishonaman va shunaqa xabarlar yoqadi. Vaholanki, Krishtianu "Yuve"ni ochiqcha bir o'zi tortayotgan bo'lsa ham, o'zini yangi maskanda yaxshi tutmayotgani aniq. "Real" u bilan emas, uning o'zi "Real" bilan sharaf topganini bilib olsin! Futbolchi hech qachon klubdan ustun bo'lmasligi kerak. Daho bo'lsa ham klubning bir qismi ekanligi o'z tasdig'ini topsa, xursand bo'lib ketaman. Neymarda ham shunaqa pushmonlik bor. Aniq. U ketib "PSJ" kuchliroq bo'ldi, biroq "Barselona" kichiklashib qolmadi. Shunaqa xabarlar yoqadi.Yaqinda Messi haqida ham shunaqa gaplar chiqa boshladi. O'ylashimcha, Leo yuqoridagi ikki buyuk futbolchi kabi pushmonlik ko'chasini tanlamaydi. Chunki hatto o'ziday benazir qobiliyat egasi ketsa ham Kataloniya klubi kichrayib qolmasligini anglaydi. Jamoaga yaqin orada Messichalik yigit kelmas, ammo klub o'z kunini ko'raveradi. Leo esa, qaerdadir afsus chekishi turgan gap.Ertadan boshlab "Barselona" ishtirokidagi o'yin bilan FUTBOL TV kanalida yana uik-end boshlanib ketadi. — Messi ketishni unutib, uchinchi o'rindagi "Xetafe" darvozasini ishg'ol etishga kirishadi.— Ronaldu ""Breshiya" bilan rekordini davom ettirsa kerak.— Rimdagi "Latsio" - "Inter" bahsi ham A seriya bayramining tojdori. — Dushanba tunida "Chelsi" va MYu o'yini bilan EChL ostonasiga etib kelamiz va so'ng... ketdi uyog'i!Bugun dam olvoling, ertadan boshlab futbol fasli kirib keladi. Bahordan oldin kirib kelguvchi go'zal fasl...Xayrulla HAMIDOV.