​​"Midlsbro"ga sovg'a

Xabaringiz bor, Luis Suares va Usmon Dembelening uzoq muddatga safdan chiqqanligi va jamoa tarkibida ularning o'rnini bosuvchi nominal hujumchilar qolmagani bois "Barselona" transfer oynasi yopilgan bo'lishiga qaramay "Leganes"dan hujumchi Martin Breytueytni sotib oldi.

Bu transfer haqida qisqacha fikr bildirib o'tsam.

Breytueyt "Leganes"ning joriy mavsumdagi eng yaxshi to'purari (24 o'yin 6ta gol).

"Barselona" daniyalik uchun 18 million yevro tovon pulini to'lashga qaror qildi.

Dembele yarim yilga safdan chiqqanini La Liga tasdiqlagach kataloniyaliklar navbatsiz transfer qilish huquqini qo'lga kiritishdi. Biroq bu transfer faqat Ispaniya chempionatida amalga oshirilishi va xarid qilingan futbolchi faqat Primeroda o'ynash sharti bilan.

Bundan "Barselona" qanchalik yutdi bilmadim. Lekin elitada jon saqlab qolish uchun kurashayotgan "Leganes"ga qiyin bo'lishi aniq. La Liga qoidalariga ko'ra autsayder jamoalar bunday paytda pulni olgach ketgan futbolchining o'rniga hech kimni xarid qila olmaydi.

Aksiga olib, yanvar oyida "Sevilya" tovon pulini to'lab jamoaning eng yaxshi to'purari Yussuf En-Nesiri sotib olgan edi.

Bu transferdan so'ng "Leganes" rahbarlari shunday deyishdi: "Biz bir savol bilan murojaat qilmoqchimiz. Biz juda ham qiyin vaziyatga tushib qoldik. Bu jamoa uchun jiddiy zarba va zarar bo'ldi. Yarim yilga bir futbolchi safdan chiqqan bo'lsa, u boshqa jamoalarga ham muammo ulashishi mumkinligini tushunmayapmiz".

Bu so'zlardan so'ng ispan nashrlari ham "Barselona"ning transfer siyosatini qoralab chiqdi.

Marca. Gap "Barselona"ning qoidalarga rioya qilish qilmasligida emas, balki buni raqibga hurmatsizlik bilan yondashuvda deb ayblashmoqda.

Meni esa bir savol qiynamoqda. Yanvarda, Luis Suares jarohat olib bo'lganidan keyin, "Barselona" hujumchisi Abel Ruis ("Braga") va ikki qanotda ham birdek o'ynayotgan vinger Karles Peresni ("Roma") nega qo'yib yubordi. Ular Breytueytdan ko'ra iste'dodliroq ediku.

Bu transfer "Barselona"ga qancha foyda keltirishini bilmadim-ku, lekin "Midlsbro" bundan yutdi. Chunki "Leganes" uni Angliyadan sotib olgan va keyingi transferdan foyda olishi shartnomada keltirilgan edi. Unga ko'ra bu "Midlsbro"ga 4,5 million yevro foyda keltirdi. Adama Traoreni 18 millionga sotgan jamoa uchun yomon narx emas menimcha.

"Barselona" muxlislariga bu post yoqmasligi mumkin. Lekin bu yerda nafaqat klubning transfer siyosati balki La Liganing ham bu qoidalarni yana bir o'ylab ko'rish kerakligini aytmoqchi edim.