Vinger yanvarda "Roma" ga ijaraga berilgan edi. “Roma” uni yozda 11 million evroga sotib olishi kerak. Karlesning aytishicha, klubni qo'yib yuborish qarorining sabablarini hali ham tushunmayapti. Ammo, u "Barsa" ga uni yanada yaxshi o'yinchi qilgani uchun minnatdor.
Mundo Deportivo bilan eksklyuziv suhbatda Karles Peres o'zining "Barselona" dagi muvaffaqiyatsiz o’yini, jamoada debyut qilgani va yangi shartnoma imzolagandan so'ng klubni tark etish sabablari haqida gapirdi.
-"Men nima bo'lganini ham bilmayman"
"Klub menga hech qanday tushuntirish, hech bo'lmaganda asosiy tushunchalarni bermadi.”
"Murabbiy [Setien] u menga ishonishni rejalashtirmaganligini aytdi, chunki uning boshqa variantlari ko'p edi."
22 yoshli futbolchi uning orzusi o'g'irlanganini aytdi.
-"Men bolaligimdan "Barsa" uchun hamma narsani berib kelgan bolaman. Men birinchi jamoaga kirishni orzu qilardim. Men unga erishdim ham, keyin uni hech qanday sababsiz olib qo’yishdi.”
Biroq, futbolchi hali ham o'zining o'smirlik klubidan minnatdor.
-“”Barselona"dan menga bergan barcha narsalar uchun minnatdorman. Men bilganlarning hammasini, u yerda o'rgandim va ularning sharofati bilan "Roma" kabi ajoyib klubga qo'shilishimga muvaffaq bo'ldim.
-"Menimcha, ular vaziyatga yomon munosabatda bo'lishdi, ammo men minnatdorman."
Fevral oyi boshida Kike Setien Peresni qo'yib yuborish noto'g'ri qaror bo'lganini tan oldi, agar klub Usmon Dembelening qaytmasligini bilganida uni amalga oshirmasligini aytdi.
Karles Peres "Roma" ga ijaraga berildi. Bitimga majburiy sotib olish to'g'risidagi band kiritilgan. Iyun oyi oxiriga qadar ijara muddati tugashi bilan A Seriya tomoni o'yinchini 11 million evro va qo'shimcha 3,5 million evroga sotib olishi kerak bo'ladi.
Avgust oyida qanot hujumchisi "Barselona" safida debyut qildi va Kataloniya jamoasi uchun ikkita gol urdi. Sentyabrda "Barselona" Peres bilan shartnomani 2022 yilgacha uzaytirdi.
Payshanba kuni hujumchi UEFA Yevropa Ligasida "Gent" bilan uy uchrashuvida uning yagona goli jamoasiga g’alaba keltirdi.
Manba: Mundo Deportivo