Ispaniya chempionatining 27-turi doirasida «Barselona» o'z maydonida «Real Sosedad»ni qabul qilib, qiyin g'alabani qo'lga kiritdi. Jamoalar o'yinni u qadar yuqori temp bilan boshlashmadi. San-sebastyanliklar esa asosiy e'tiborni himoyaga qaratishdi. Kataloniyaliklar bo'limga so'nggiga yaqin ikkita golga tortadigan vaziyat yaratishdi. Bahsning 29-daqiqasida Messi burchakka yaqin joyda raqib himoyachisiga nisbatan bosim o'tkazdi va undan to'pni olib qo'ydi va xavfli hujumga asos soldi. U Buskets bilan "devor" o'ynab, darvozabon yakkama-yakka vaziyatga chiqdi va zarba berdi. To'p darvozabondan maydonni tark etdi.Tanaffusga 5 daqiqa qolganida esa uchrashuvdagi eng xavfli vaziyat yuzaga keldi. Alba-Breytueyt-De Yong-Messi kombinatsiyasidan keyin Leo 12 metrdan zarba berdi. To'p ustun yonidan o'tib ketdi.Ikkinchi bo'limda esa "ko'k-anorranglilar" tezlik oshirishdi va buning oqibatida bir nechta xavfli vaziyatlar yaratishdi. Messi tomonidan yo'llangan 2ta zarbaga aniqlik etishmagan bo'lsa, Rakitichning kuchli zarbasini darvozabon Aleks Remiro mahorat bilan qaytardi. Alba olis ustun tomon bergan uzatmasiga esa Ivan birozgina eta olmadi. Gol esa kutilmaganda berilgan penalti tufayli berildi. Videoyordamchi hakamlar referiga bir vaziyatni o'z ko'zi bilan ko'rishga taklif etishdi. Alba yuqoridan uzatma bergan paytda to'p bosh bilan o'ynashga intilgan himoyachining qo'liga tekkani uchun "Sosedad" darvozasi tomon penalti belgilandi. Messining 11 metrli jarimadan yo'llagan zarbasini posbon qaytara olmadi. O'yinga qo'shib berilgan eng so'nggi daqiqada "Barsa" ikkinchi golni ham urishga muvaffaq bo'ldi. Ammo Messi uzatma berayotganida Ansu Fati birozgina ofsadda qolganini VAR aniqladi va golni bekor qildi.Shu tariqa, "Barselona" o'z ochkolarini 58taga etkazib, kamida 1 kunga La liga peshqadamiga aylandi.Ispaniya La ligasi, 27-turBarselona – Real Sosedad 1:0 (0:0, 1:0)Gol: 1:0 – 81, penalti Messi. Barselona – ter Stegen, Pike, Langle, Alba, Semedu, Buskets, Rakitich (Vidal, 74), de Yong, Breytueyt (Firpo, 89), Grizmann (Fati, 85), Messi.Real Sosedad – Remiro, Le Norman, Monreal, Gorosabel, Lorente (Subeldiya, 71), Edegor, Merino, Barrenechea (Oyarsabal, 58), Gevara, Portu, Isak (Villian Joze, 82).Ogohlantirishlar: Langle (16), Messi (42), Merino (56), Pike (61), Gevara (76), Oyarsabal (80), Buskets (88).