Kataloniya sport vaziri Jerar Figerasning so'zlariga ko'ra, Chempionlar ligasi 1/8 finalining javob bahsidan o'rin olgan "Barselona" - "Napoli" uchrashuvi muxlislarsiz o'tishi mumkin: "Hozircha bu faraz xolos. Qaror qabul qilinmadi, biz "Barselona" bilan gaplashamiz, dushanba yoki seshanba kuni uchrashuv belgilaymiz. Har tomonlama o'rganib chiqishimiz lozim.
Ehtiyotkorlik tomondan qarasak, muxlislarsiz o'tgani yaxshi. Qaror qabul qilinmadi. Bugun-erta vazirlar va klub vakillari bilan uchrashuv tashkillashtiriladi.
Garchi bu sport va iqtisodga ta'sir o'tkazsa-da, xavfsizlik tomonidan ham o'rganib chiqish lozim.
Neapol virus tarqalgan hudud emas, lekin Italiya xavf ostida. Mantiqan qaror qabul qilish to'g'ri deb o'ylayman." - deydi Figeras.
Italiya ayni dam koronavirusningtarqalishi bo'yicha dunyoda ikkinchi o'rinda turibdi. Mamlakatda deyarli 7,5 ming kishi virus yuqtirib olgan. Ispaniyada hozirgi kunda 700 ga yaqin odam virus bilan kasallangan.