"Barselona" "San Paulu" bilan 19 yoshli forvard Gustavo Mayyaning transferi borasida kelishuvga erishdi.
Xabar qilishicha, "ko'k-anorranglilar" o'yinchi uchun bir million evro to'lashgan, 30 iyungacha esa jarayonni yakunlash uchun Braziliya klubining hisobiga yana 3,5 million evro tushishi kerak. SHu bilan birga futbolchining 30% huquqi "San Paulu"ga tegishli bo'ladi.
Mayyaning hozirgi shartnomasi 2022 yilning iyuniga qadar mo'ljallangan. U bungacha Braziliyaning U-16 va U-17 jamoalarida o'ynagan.