"Barselona"ning sobiq hujumchisi Rivaldo "Bavariya"da ijara asosida toʻp surayotgan Kataloniya klubining yarim himoyachisi Filippe Koutinyo haqida oʻz fikrlari bilan o'rtoqlashdi"

"Aftidan, "Bavariya"ning mavsum oxirida Koutinyoni sotib olishga imkoniyati yoʻq va u jamoaga qaytib keladi. 

Men har doim Koutinyo ispan futboliga nemis futbolidan koʻra osonroq moslashadi deb o'ylab kelganman, chunki Germaniyada har qanday braziliyalik uchun til va turmush tarzi bilan bog'liq muammoli vaziyatlarlar uchrab turadi.

Afsuski, uning uchun hamma narsa kutilgandiek bo'lmadi va u tez orada "Barselona"ga qaytadi. Agar imkoniyat berilsa, huddi  "Liverpul"da yoki  Braziliya terma jamoasida o'ynab muhim futbolchiga aylangan oʻyinchi kabi o'sishi va qanday buyuk futbolchi ekanligini namoyish qila olishini isbotlashi kerak.

Men uning mahoratiga ishonaman va ko'p narsa uning xohishi va psixologik barqarorligiga bog'liq deb o'ylayman. U oʻzi oʻynagan istalgan jamoada katta oʻzgarishlar qila olishini, oʻzi haqidagi qolganlarning fikri notoʻgʻri ekanligini isbotlashi kerak.

"Barselona"da o'ynash - bu har qanday futbolchi uchun eng noyob imkoniyatlardan biridir va ehtimol "Bundesliga"da oʻynash uning tajribasini uyg'otdi va "Barsa" uning uchun eng munosib joy ekanligini ko'rsatdi.

Albatta, hamma narsa aksincha boʻlib, u "Premer-liga" klubiga ham qaytishi mumkin. Balki "Barsa" Koutinoga sarflangan pulning bir qismini qaytarishni umid qilayotgandir.

Menimcha, Koutinyo "Barselona"da oʻzi uchun joy olishi va klubni o'z mahorati yetarli ekanligiga ishontira olishi kerak. Bu uning asl fe'l-atvorini koʻrsatib beradi", deydi Rivaldo.

Xabar qilinishicha, "Chelsi" ham Koutinyoga talabgorlardan biri.

Ushbu mavsumda yarim himoyachi "Bavariya" safida "Bundesliga:da 22 o'yin o'tkazib 8 ta gol urdi va 6 ta assist berdi.