"Tottenxem" yarimhimoyachisi Tangi Ndombele payshanba kungi "Mundo Deportivo" gazetasining muqovasini bezab turibdi.
Manba "Barselona" ning kelgusi mavsumdagi transfer rejalari haqida ba'zi ma'lumotlarga oydinlik kiritdi. Xabarlarga ko'ra, kataloniyaliklar Ivan Rakitich va Arturo Vidalga o'xshash profilga ega bo'lgan ko'p qirrali jismoniy yarim himoyachini qidirmoqdalar.
Klub allaqachon ikkita asosiy nomzodni aniqladi: "Tottenxem" dan Tangi Ndombele va "Napoli" dan Fabian Ruiz.
Ndombele - "Barsa" ning radaridagi yangi nom. 23 yoshli futbolchi o'tgan yozda "Lion" dan "Tottenxem" ga 60 million yevro evaziga kelib qo'shilgandi. Biroq, u Joze Mourinyoning tayinlanganidan beri uning e'tiboridan chetda qoldi. Mundo Deportivo "Barsa" yozda fransiyalik futbolchini jamoani almashtirish mumkinligiga ishonmoqda.
Umuman olganda, Ndombele ushbu mavsumda 27 ta o'yinda ikkita gol urdi va 4 ta golli uzatmani amalga oshirdi.
Mundo Deportivo shuni qo'shimcha qiladiki, "Barsa" Ndombele bilan "Tottenxem" ga kelishidan oldin ham qiziqish bildirgan.
Fabian Ruizga kelsak, u uzoq vaqtdan beri "Barselona" va "Real" bilan bog'liq bo’lmoqda. 23 yoshli futbolchi Kiek Setien bilan "Real Betis" dagi faoliyati davomida birga ishlagan.
Fabian joriy mavsum 32 ta o'yinda uchta gol urdi va 2 ta golli uzatmani amalga oshirdi.
Fabianning narxi kataloniyaliklar uchun juda katta muammo tug'dirishi mumkin. Bir nechta manbalar, shu jumladan Mundo Deportivo, u "Barselona" ga 100 million yevroga tushishiga ishonadi, garchi Transfermarkt yarim himoyachiga 60 million yevro narh belgilagan bo’lsada.
Rakitich va Vidalga kelsak, ikkala futbolchining yozda tark etishi kutilmoqda, deya xabar beradi bir qancha manbalar.