UEFA Evropa futbol assotsiatsiyalari bilan onlayn-konsultatsiya o'tkazdi. Unda mavsumni 15 iyulgacha yakunlash haqida qaror qabul qilindi.
Agar koronavirus pandemiyasi bilan bog'liq vaziyat yumshasa, jamoalar faqatgina may oyiga kelibgina mashg'ulotlarni boshlashlari mumkin. Iyun oyida klublar tezlashtirilgan rejimda — har 3-4 kunda bittadan o'yinda ishtirok etishadi. Shundan so'ng esa, Evropa chempionlar ligasi va Evropaning ligasining qolgan qismini ham tezlashtirilgan grafikda o'tkazishadi. Evrokuboklarning bu bahslari iyul oyining ikkinchi yarmida o'tkazilishi mumkin.
Yana bir variant sifatida barcha musobaqalarni butunlay to'xtatib qo'yish ko'rib chiqilmoqda. Bunday holatda 2019/20 yilgi mavsum oxiriga yetkazilmaydi.