29 martbugun. Yoshligimda Italiya A seriyasi o'yinlarini boshqacha kuzatardim. U erda o'ynovchi har bir pleymeyker ko'zimga tengsiz qobiliyat egasi bo'lib tuyulardi. Rostanam shunday edi o'zi.
Hatto millati italyan bo'lmagan legioner yulduzlar ham bu vohada italiyalikka aylanib ketishar, harakatlarida qadimgi Rimning savlati namoyon bo'lardi.
Ana shunday noyob talant sohibi – portugaliyalikRui Koshtauchun bugungi sana muhim. 1972 yili tug'ilgan.
Italiyada 12 yil o'ynagan, “Fiorentina”da Batigolga o'xshab fialkalarning suyumlisiga aylanib qolganida, “Milan”ga dahshatli summa evaziga asr avvalida o'tgan.
“Milan”da besh yil o'ynadi. Chempionlar ligasi g'olibiga aylandi. Rossoneri tarkibida nozik harakatlari bilan uzoq yillar muxlislar xotirasida saqlanib qoldi.
2004 yili terma jamoasi bilan eng ajoyib mavsumini o'tkazgan, desak, mubolag'a ishlatmagan bo'lamiz. Portugaliya terma jamoasi uyidagi Evroda Gretsiyaga imkoniyatni boy berguniga qadar Rui Koshtaning elkasida edi. Krishtianu Ronaldu endi-endi “kattalar” ichiga kirib kelayotgan lahzalar edi.
Luish Figu va Eysebio singari Koshta ham hujumchi ortidagi yarim himoyachi bo'lgan. Jahon futbolining eng yaxshi trekvartistlaridan biri. Golga assistlik borasida ham, driblingda ham, zarbada ham Rui zo'r sanalgan, ammo uning eng katta yutug'i – maydonni yaxshi ko'ra olishi edi. To'pni olgan zahoti ochiq qolgan sherigini topar, yo o'sha sheriklariga hudud ochishga ustasi farang edi. “Milan” klubi va Portugaliya terma jamoasi qanday muvaffaqiyatga erishgan bo'lsa, bugungi qahramonimizning beqiyos xizmatlari evaziga sodir bo'lgan.
Xullas, yosh avlod, bilib qo'ying, Portugaliyada Ronaldudan avval ham zo'r o'yinchilar bo'lgan.