"Inter" klubi argentinalik futbolchi Lautaro Martinesning transfer narxini pasaytirishga tayyor, deya xabar tarqatdi "Calciomercato".
Manbaga ko'ra, milanliklar rahbariyati koronavirus tufayli klublarda yuzaga kelgan moliyaviy inqiroz natijasida hujumchining shartnomasida ko'rsatilgan 111 million evro miqdoridagi badal pulini qo'lga kiritishning imkoni yo'qligini tushunib turibdi. Shu bois, "neradzurri" Martinesni 80 million evroga sotishga tayyor.
Avvalroq Lautaroga "Real" va "Barselona" klublari qiziqish bildirayotgani haqida xabarlar tarqalgan edi.
22 yoshli futbolchi ushbu mavsumda "Inter" safida barcha musobaqalar doirasida 31ta o'yinda maydonga tushib, 16ta gol urdi va 4ta golga uzatma berdi. Uning jamoa bilan shartnomasi 2023 yilga qadar tuzilgan.