Madridning "Real" klubi hujumchisi Karim Benzema o'zini «Formula-1», Olive Jiruni esa kartinga taqqoslaganidan keyin Frantsiya terma jamoasi va Kataloniyaning "Barselona" klubi hujumchisi Antuan Grizmann Jiruni himoya qildi.

Karim Benzema yaqinda bergan intervyusida Frantsiya terma jamoasida o'ynamayotganini eslagandi. Terma jamoa bosh murabbiyi Dide Deshamning bu qaroridan norozi bo'lgan Benzema o'zini Jiru bilan taqqoslagandi.

«Formula-1» bilan kartingni adashtirmanglar. Men – mashinaman», — degandi Benzema.

Grizmanning qayd etishicha, unda ushbu mojaro haqida izoh bermaslikni so'rashgan.

«Menda muammolar paydo bo'lishi mumkin. Menga Jiru yoqadi. U ajoyib futbolchi, u terma jamoamizning Jahon chempionligini qo'lga kiritishida yordam bergan. Bu uning professionalligidan dalolat beradi», — dedi Grizmann.