BATE, «Arsenal», «Barselona» va «Kriilya Sovetov» klublari sobiq futbolchisi Aleksandr Gleb koronavirus davrida davom etayotgan Belorussiya chempionati haqida fikrlarini bildirdi.

— Hozir Belorussiyada go'zallik. Butun dunyo bizning chempionatimizni kuzatmoqda. Bundan zavq olishyaptimi yoki yo'qmi bilmayman. BATEga nima bo'ldi? Mening fikrimcha, futbolchilar o'zlariga bo'lgan ishonchni yo'qotib qo'yishdi, ular jozibali o'yin namoyish eta olishmayapti. Ehtimol sovrinlar va g'alabalarga to'yishgandir. Bu ruhiyat. Ular mashg'ulotlarga yaxshi mehnat qilishmoqda, shifokorlar har kuni ulardan test oladi. Balki, qandaydir qo'rquv bordir, buni bilmayman. Chunki, men klubni ichida emasman, — dedi Gleb «Vse na futbol!» dasturiga bergan intervyusida.