"Ayaks" darvozaboni Andre Onana "Barselona"ga qaytishi mumkinligi haqida gapirdi. Bu haqda "Canal + Afrika" xabar beradi.Avvalroq, Gollandiya klubining sport direktori agar "ko'k-anorranglilar" foydali taklif bilan chiqsa, "Ayaks" futbolchini qo'yib yuborishini aytgandi. Bundan tashqari, 24 yoshli futbolchiga "Chelsi" va "PSJ" ham qiziqish bildirmoqda."Men "Barselona" prezidenti va murabbiylari bilan yaxshi munosabatdaman. Endi faqat to'p bilan shug'ullanaman, qolganlarini agentlarim hal qiladi. "Barselona" — bu mening uyim, agar kerak bo'lsa, yana qaytib kelaman. Ammo hozir men "Ayaks" darvozaboniman", — dedi futbolchi.Ma'lumot uchun, Onana Kataloniya klubining tarbiyalanuvchisi hisoblanadi, ammo hech qachon birinchi jamoada o'ynamagan.