Italiyaning “Inter” klubi “Barselona”ning Lautaro Martines borasidagi navbatdagi taklifini qabul qilishga tayyor, deya xabar bermoqda La Gazzetta dello Sport.

“Barselona”ning Lautaro Martines borasidagi avvalgi barcha takliflarini keskin rad etib kelgan milanliklar, Kataloniya klubining argentinalik hujumchi bilan Antuan Grizmanni o‘zaro almashish taklifini qabul qilishga tayyor», - deyiladi manbada.

Xabarda qayd etilishicha, Lautaroning shartnomasidagi tovon puli 111 million yevroni, Grizmanning tovon puli esa 120 million yevroni tashkil etadi.

Maʼlumot uchun, 29 yoshli Grizmann ushbu mavsumda 37 o‘yinda 14 ta golga mualliflik qilgan bo‘lsa, 22 yoshli Martines 31 o‘yinda darvozaga 16ta gol kiritgan.

Manbaa: tribuna.uz