La Gazzetta Dello Sport portalining yozishicha, Frantsiyaning "PSJ" klubi hujumchisi Edinson Kavani uchun Milanning "Inter" klubi ham kurashga qo'shildi.

Avvalroq, futbolchining agenti o'z mijozini "neradzurrilar"ga tavsiya qilganligi haqida xabarlar tarqalgandi, endi esa 33 yoshli hujumchi bilan shartnoma imzolashni "Inter" bosh murabbiyi Antonio Konte klub rahbariyatidan talab qilmoqda.

Alohida qayd etish kerakki, "Barselona" ketishi kutilayotgan Lautaro Martinesning klubda qolishi yoki ketishidan qat'iy nazar, Konte Kavani bilan shartnoma imzolash kerak degan fikrda.