"Yuventus" yarim himoyachisi Miralem Pyanich faoliyatini Ispaniyada davom ettirishi mumkin. "Marca" nashri tarqatgan xabarga ko‘ra, "Barselona" bosniyalik futbolchiga qiziqish bildirmoqda va transferga Ivan Rakitichni ham qo‘shmoqchi. 

Qishda turinliklar Rakitichni qo‘lga kiritishga qiziqib ko‘rishgan, ammo futbolchi buni rad etgan edi. Joriy yilgi mavsumda Pyanich A Seriyada 22 bahsda maydonga tushgan va 3 bor raqiblar darvozasini ishg‘ol etishga muvaffaq bo‘lgan.