Ispaniya chempionatining koronavirus pandemiyasi tufayli to‘xtatilgan mavsumi 12 iyun kunidan boshlab davom ettiriladi.

Sport.es xabariga ko‘ra, shu kuni, 28-tur doirasida Andalusiya derbisi o‘tkaziladi. Unda «Sevilya» va «Betis» klublari bellashadi.

La Liganing to‘liq taqvimi 28 may kuni e’lon qilinadi.

Eslatib o‘tamiz, Ispaniya chempionati koronavirus pandemiyasi tufayli 10 martdan beri o‘tkazilmayapti. Klublar 27ta tur o‘yinlarida ishtirok etishgan. Jadvalda 58 ochko to‘plagan «Barselona» peshqadamlik qilyapti. Undan 2 ochko ortda borayotgan «Real» ikkinchi bo‘lib turibdi.

Manbaa: tribuna.uz