Huquqiy jihatdan Madridning "Real" klubiga tegishli bo'lgan, ayni paytda faoliyatini «Real Sosedad» klubida ijara asosida davom ettirayotgan Martin Edegor hozirgi jamoasining maqsadlari haqida fikr bildirdi.

«Biz uyda va kichik guruhldarda mashg'ulotlarni yaxshi olib bordik, endi o'yin amaliyotini yo'lga qo'yib olishimiz kerak.

"Real Sosedad" EChL uchun beriladigan yo'llanma uchun kurash olib borishi kerak, biz shuni xohlaymiz. «Real» yoki «Barselona»lar bilan kurash olib borish qiyin bo'ladi, ammo, qolgan klublar bilan o'ylaymanki, kurash olib borishga qodirmiz. EChLda o'ynash – orzu va aynan kelasi yili shu orzuni amalga oshirmoqchimiz.

Muxlislar biz uchun juda muhim va ular bizni doim qo'llab-quvvatlashadi. O'z maydonimizda o'ynash doim yoqimli, ammo, ular uchun g'alaba qozonishdan boshqa hech narsa qila olmaymiz», – dedi Edegor Cope bilan suhbatda.