«Barselona» klubi yuzaga kelgan iqtisodiy inqiroz paytida pul tejashda davom etmoqda. "Ko'k-anorranglilar" a'zolari 30 mart sanasidan beri o'z maoshlarining 70 foizini olishmayapti. Klub ushbu cheklovni may oyining so'nggi haftasida ham saqlab qolishga qaror qildi. Shuningdek, jamoa iyun oyining dastlabki 2 haftasida maoshlarni 50%ga qisqartirishni rejalashtirmoqda. Bunday qaror futbolchilarni hayron qoldirdi. Chunki, rahbariyat bunday qaror borasida o'yinchilarni avvaldan ogohlantirib qo'ymagan edi. Mojaro yuzaga kelmasligi uchun futbolchilar bilan gaplashish maqsadida "Barsa" prezidenti Xosep Bartomeuning shaxsan o'zi mashg'ulot bazasiga tashrif buyurdi.