Kataloniyaning «Barselona» klubi sobiq hujumchisi Samyuel Eto’O «Inter» hujumchisi Lautaro Martines Ispaniyaning amaldagi chempionlari tarkibiga ko'chib o'tishi mumkinligi haqidagi xabarlarga o'z munosabatini bildirdi.

— Menga Suares yoqadi. U «Barselona» tarixidan joy olishga ulgurdi. U o'z pozitsiyasi bo'yicha dunyoning eng yaxshi futbolchilaridan biri hisoblanadi. Suares — general va biz uni bu unvonidan hozircha mahrum qila olmaymiz. Lautaro «Inter»da muvaffaqiyat qozonmoqda, lekin biz Suaresning tarixini unuta olmaymiz. Ammo, bu jamoaga boshqa futbolchini jalb qilish uchun halaqit bermaydi, — dedi Eto’O.

Avvalroq, «Barselona» 7 iyulga qadar Lautaro Martinesning transferini rasmiylashtirish borasidagi xabarlar tarqatilgandi.