«Malorka» bosh murabbiyi Visente Moreno birinchi davrada «Barselona»ga qarshi bo'lib o'tgan o'yin (2:5)da bo'lib o'tgan voqeani yodga oldi.Mutaxassisning aytishicha, u uchrashuv arafasida "ko'k-anorranglilar" sardori Lionel Messi bilan tortishib qolgan. Argentinalik futbolchi esa «Barselona» «Malorka» darvozasiga 7ta gol urishga va'da bergan. Yakunda kataloniyaliklar 5ta gol urishgan bo'lsa, Messi "xet-trik"ni rasmiylashtirgan.«Messining jahlini chiqarganim uchun uchrashuvdan keyin o'yinchilar meni ayblashdi. Uning jahli chiqqan edi. Tanaffusda u menga jamoasi 7ta gol urishini aytdi. U hattoki Suaresga 7ta gol urish kerakligini ta'kidladi. Ular buncha to'p kirita olishmadi, ammo Leo 3ta gol urdi. Shuning uchun ham Messi jahondagi eng yaxshi futbolchi. U daho. Bu safar u bilan tortishmayman. Bundan faqat o'zimga jabr bo'ladi», — dedi Moreno "Marca" nashriga bergan intervyusida. Eslatib o'tamiz, "Malorka" - "Barselona" o'yini bugun tunda Toshkent vaqti bilan 01:00da boshlanadi.