«Barselona» hujumchisi Antuan Grizmannning ukasi – Teo kataloniyaliklar murabbiylar shtabini tanqid ostiga oldi. Eslatib o'tamiz, frantsiyalik hujumchi "Atletiko"ga qarshi bo'lib o'tgan uchrashuvning 90-daqiqasida Arturo Vidalning o'rniga zaxiradan maydonga tushirildi. «Atigi ikki daqiqa... Rostdan yig'lagim kelyapti», – deya yozdi Teo Grizmann tvitter orqali. Lekin ko'p o'tmasdan u o'z tvitini o'chirib yubordi.