"Barselona" bosh murabbiyi Xavi Ernandes Joau Feliks va Joau Kanseluning o'yini haqida o'z fikrlari bilan o'rtoqlashdi.

Har ikki portugaliyalik ham "Blaugrana" safida ilk bor shanba kuni "Betis"ga qarshi o'yinda (5:0) asosiy tarkibda maydonga tushishdi - ikkalasi ham bittadan gol urishdi.

"Gap individual mahoratiga shubha yo'q bo'lgan ikki futbolchi haqida ketmoqda. Ularning saviyasi mashg'ulot paytida ham ko'rinib turardi.

Kanselu Gvardiola bilan ishi tufayli o'yinni juda yaxshi tushunadi. Feliks ham bu borada juda yaxshi - u jamoaga ko'proq rang-baranglik beradi. Joaularning ikkalasi ham "Barselona"da o'ynashni orzu qilgan va biz bundan foydalanishimiz kerak", - dedi Xavi o'yindan keyingi intervyusida.